كانت مكتوبي الو - موريس عواد - السبعا وتسعين - وباللغا اللبنانيي

شفتلن ضهرن وجسمن مسلوخين ع الكرابيج. وجن مفجم. عينين حمر عم يدمعو آخ وعتم، ضربوون ع صابيع ايدين واجرين بالمسطرا المروسي، ع كواحلن، ع كواعن، ع دينين. علقوون بالسقف متل الخواريف...

جلدوون كل يوم. وشفتلن كعاب اجرين: أكتر من وارمين وزرق. كعاب اجرين الرح يضلو أعلا من النجوم والسيوف ع كتاف "القايد" اللي عطا أمر بجلدن ، أو سكت. وأعلا من وج المعتر اللي جلدن، وأعلا من اللي خايف ع نظامو، عم يخوف الناس، واللي ما بيخاف وبيوطي راسو، بيبعتلو الميرسيناريا تبعو، يسبحوه بالليل، ويجروه ع القاووش.

مبلا، مربط ومطمش برقعا اكتر من موسخا، بتشبهن. تارك بالبيت ولاد، ام، اخت، بي، خطيبي، دموع، وليل طويل.

مبلا جلدوون متل العم يقتل الحيي. وبعدا، ورح تضل طراطيش دمن ملزقا ع حيطان القواويش من جسر الباشا لوزارة الدفاع، لضمير التاريخ.

زنبن انن صرخو بوج كم مجرم حرب،وعاهر،لابسين توب العفي، وملقطين بكراسي الحكم متل امات اربعا وأربعين.

Vous êtes des laches et des menteurs. Vous mentez toujours, toujours de naissance et par vocation.

زنبن انن قالو هاك الحقيقا اللي مبارح صلبت، بري الابريا، ورح تضل تجلد وتعزب وتصلب، ت تنضف الارض من الخوف والكبريا.

موريس عواد - خلو النار والعا - زيحو هيك: اجا وقت اللغا اللبنانيي، وأنا جيت

- كتر م كل واحد منن بيشبه كل واحد، صارو كلن: ما حدا.
- تلات رؤسا، وبس يحكو، بتحس أنو كل واحد منن واقف بصباط الثاني.
- (2أيار 1998) اللي سمو حالن "رجال سياسي". كلن، ما عدا ولا واحد: درجة الزل عندن صارت تحت العشرين، وبعدا نازلي.
- شو هالرجال هودي المحطوطين ع كراسي الحكم وكرامتن بالقبر، عم ياكلا الدود والعفوني الزرقا؟... حدا يقرف معي، مش عم لحق. 
- كلن: من رأس السلم لكعبو، طلعا نزلي، ما عندن الاهم واحد، وهوي: Plaire au Maitre
- في خوني كتير بالوطن، وأخطرن "رجال السياسي". سياسي من النوع البرلماني. ما عندن زاكرا الا ت يحفضو Diktats "سيدن"، يلي تاركلن 
- "السلطا" انن يشرعنو خيانتن، ت تضل مكملي من بعدن، بالرح 
- يورتوون ويمكن يكونو أخون منن.
- السلطا ب آخر عشر سنين، وكل يلي عم يدورو بفلكا، بينخصرو بتمان كلمات:
Des petits traitres qui nous traitent en accusés. Ils ont eu depuis dix ans un rhume de cerveau inguerrissable, qui a contaminé tout le Liban.
- نشال صورا ونحط صورا. 
- السياسي ب أعلا درجي من النفاق، الشعب ب أوطا درجي من الزل.
Vous êtes des bergers qui ne croyez pas au loup. Moi, je suis le chien qui aboie, et vous le faites taire. Tant pis pour vos brebis.

لو اجا ل يوم من دفاتر كفرغربي
2008
ئطعا ب أربع فصول
بل لغا ل لبنانيي
Malheur à moi, Malheur si je ne libanise

منل يوم وطالع أنا صار اسمي ميريام يسوع، أنا مريمتك، مجدليتك، يسوعيتك. بندرلك كل جسمي من عبكرا ل عبكرا. بسهرلك ع جبل الزيتون، ع طريء الجلجلي، بضل حدك. وطرحتي لي نضفت منل خطيي، تمسحلك الدم عن جفونك، وازا ل ل ئيافا ول بونيتو بيللتو شلحوني هيي وطمشولي عينيي، بضل ائشعك. وشعري ل هوي طرحتي ل أولي، الك... كنت اتطلع فيك ب عينيي، صرت شوفك ب ئلبي. وحياة ل مسامير لي خزئولك ايديك وجريك: نئاوتك عطر ئلبي، وئربان انوستي. شو كنت افرح لمن تعيطلي ب اسمي. وانسا انو عندي جسم بينوجع وبيعطش. انت الراعي ل ما بيفوت عل غنمات من ورا السياج. ول غنمات بعرفولك صوتك. أنا نعجتك ل كانت ضايعا ب حراش ل خطيي، وانت لئيتني.

موريس كفرغربي (عواد)
رشحوه جايزة نوبل 2014

طعمة ل خبز ول مرا
زيحو هيك، اجا وقت اللغا اللبنانيي، وأنا جيت!
موريس عواد

... بعد ل آمين حملتا وحطيتا ع التخت ك أنو مدبح ، وأنا الليلي كاهن ل حب، طالع عل مدبح ئدس أول ئداس، ع نبيد ل انوسي المكسور بالحنان.
- نامي حبيبتي!
- أنا ولابسي تيابي؟
كنت مديت جسمي حد جسما: وصرت غسل وجي بحنان صدرا لي بعدو مستحي، بس ما بدو يخبي حالو.
- ما ئالتلك شبينتك انو الرجال بيحب يغمر ل مرا ويبوسل تيابا ئبلا م يشلحا هني؟
- كلن؟
- شو ئولك؟ 
- !!! لاء.
- ما ئالتلك شي عن أول ليلي؟
- مبلا، ئالتلي: "ما تبلشي انتي، انطريه ت هوي يبلشلك، وانتي بتعملي متلو". مبارح كنت تلميزتك بل فرنساوي، الليلي انا تلميزتك بل حب والتخت.
ونزلت فيا رجال، وبحبك بحبك! نزلت فيي مرا، وحبني! حبني!
- ئربي بعد حبيبتي، بعد، وخلي صدرك وصدري يتباوسو.

الانجيل باللغا اللبنانيي

يلي بيوجعن انو كنيسة لبنان تلاقي مطرحا ع طولة الالف التالت بدون م تنقلع من شلوشا ل عم ياخدو ماويتن من المسيح. وانو ملايين المسيحيي يلي رايحين بدون بوصلي ما يصيرو يتاما عن مبارحن. وانو الطفل المجلغم يمشي ويروح يفتش عن بعد بكرا. أنا ناطرن ع مفرق تالت سني من الالف التالت، حامل ب ايدي الانجيل اللبناني بطبعتو التاني، وعم نادي ملو صوتي مع يوحنا بولس التاني:

يا كنيسة لبنان وكنايس المتوسط الشرقي
Le Nord est dans cette direction
قولك سمعو؟
- اى
- وليش ما اجو؟ 
- جيت انت. نص المدبح ما بيساع اكتر من تنين ون كتر تلاتي، تعا ت نبلش بتنقيح الرسايل
- لبننتن؟
- ما كنت مصدق اني رح خلصن ع زماني. مار بولس صعب 
- قولك من هيك مرات ما بيلتقا مين يعبيلو مطرحو.
- أنا ولا يوم شفت مطرحو فاضي، كل زمن الو مار بولسو.
- ويا ويلي ازا ما لبننت

موريس عواد

زهرة النكتار
زيحو هيك، اجا وقت اللغا اللبنانيي وأنا جيت
موريس عواد

نهنوهتي. لم "نامك" وابرد أو تبرديني. لاء ما اشرد. رح ضل حدك، نقودك. وبغطيا ل "زهرتك" بالمنشفي البيضا ول فوقها بشي بوستين بخبيا بشعرات صدري ل متل شعرك سود. يما بعلي المنشفي البيضا.
- بعد مرا،
- لأ،
- مرا،
- خود.
وبوس وشم المنشفي البيضا.

ورح اكتب كمان بريشة الحنان انك خرقتي كتير فيي وعليي ليلتا وانو شفافي فكتا صدرية الحرير. ومن وجي وايدي عملتلك صدريي. وايد تفرك غنج، ايد بمرقا ع المنشفي. وتغل عينيي بالموردي. تغمريني ترشقا. حرامك أنا وتتلفلفي فيي.
- بعد مرا، - لاء - مرا - بعود، - شوب. - - نتفي. والحنان برود.
علي ووطي المنشفي البيضا ونلعب ع تخت الحب غميضا.

غَـنْغـونـي
BERCEUSE

- شعرا نِصّ لّيل!
رشّولو النردين
+ هيدي أملين
- وين بَيتا؟
+ هَلْ مَيل
بْ شارع لْ حنين
- بْيلبئلـا لْ مَوردي
- بَيّا لّي نخطف
تلتّعش تشرين
بتزكُر؟ وزتّوه
بْ حرش لْ مونتي فيردي
تلـات أربع شئف
ياي! شو عزّبوه
وشئفي بِل ئنايي
يا إنت لّي جايي
يا إنتو الرايحين
لْ هونيك، سمعو
صوت الدَم لْ بَري
يا هالدرب سْهَري
يمكِن يرجعو
لّيلي لْ مخطوفين.

"طَعمة لْ خبز ولْ مَرا"
جزء أوّل 2009

"لْ بنات بيفركو جسمُن بِلْ crème لْ مطبوخا عَ نار الشهوي لّي بتخلص بْ آخرا. وﺣﺒﻴﺒﻲ بيفركلي جسمي بْ عِينَي، بْ إيدَي، بْ وجّو، بْ كلّ جسمو، وانا بصير إفرُك مَعو"
"جسمي تيني بَيضا مستوييّ عَ مْعسّلي، وﺣﺒﻴﺒﻲ عصفور التين بيغطّ عَلييّ بِلْ لّيل وبيصير ينَئودني عَ ضوِ لْ ئمَر، وأنا دِلّو وين بحب ينئدني ويكتّر".
"أنا شَغلتي كون رجّال لْ مَرا؟
- وأنا مَرا الرجّال!
- وبَعد لْ مَرا؟
- ئُوﻟﺎ إنت.
- تْضلّي حلوي!
- حِلوي إلَك!
- وبَعد لْ حلوي؟
- هَلْ مَرّا كمان ئُوﻟﺎ إنت
- لاء، إنتي! 
- "حبّني بصير أﺣﻠﺎ"!

2 بْ صِبّاط واحد

كَركَتي بِلْ كِلمي
(لَبنَنِة caricature)

لِبلِبسو وجوه السياسي
شْراطيط نْشدّو زْنانير.
بيرِخّو لَو شافو نْحاسي،
بينطِعجو طَعج مْسامير.
دَمُّن أزرء، لَحمُن ئاسي،
نَفسُن جَلموئا، ئْشاشير.
راسُن كَعب، وفي شَماسي
فَوئو. بينشّو تْفاكير.
كْبيرُن أرخَص من ئِلئاسي،
خَتم مْبئّح عَ فْواتير
السِرئا.
[...]
وسْلَيطا نِسناسي !
لَطمي. سِحّاب تْنانير.

ما بيئرو إلاّ بْ كِراّسي:
" أكلَ ضربَ، هَربَ "، دِير.
عندُن كِمّ بادي-كَلْب حْراسي
وزيح ولـاه! واحد خَنـزير.

آخـر ئِـدّاس

سْكبيلي جسمـِك
يا جسمي- وإسمـِك-
تَ ئدِّس عَلَي
بالشمس وبـِل فَيّ
ئِدّاس جديد جديد!
مش عَ تخت رخام
بارد، عَلْ إيّام...
وِلْ خبز، مش بِ نبيد،
رح غِطّو بِل حَنان
نيكتار لْ حب لْ كان
بهاك لْ بدايي، وزيد
نبيد لْ فرَح، لْ مَيّ.
والطفل لْعَم ينغُل
"يا طفلي" حْوالَي
شي منّك! ما في حروف
تَ ئِلِّك شو مَلهوف
عَ إيدَيكي إنئُل
منِل بونا لِلْ بَيّ.

بَرّا...
هَلّء بَـرّا

عن دفاتر
"كان يوم سبت"
1991

مينك تَ ما تِلوي
ئِدّامي، وعَم تزئَر؟
سولو 4: فْرِئنا بْ ريحا حلوي
يَ "راسَك بيتكسّر".
سولو 3: لْ إيّام يرَفرفو
حْواليك. ويئطفو
لْ بكرا عن جبينَك.
...كورال: هَلِّل! هَلِّل هَلِّل
مين غيرك بيكمّل
لْ بَلّشتو؟ ... بْ ميزان
الدهب بَدّي زينَك.
لَ غيرَك النيشان
لْ في مِنّو وَن مَ كان.
هُوشَعنا محبّينَك،
الصرخات لْ كبيري
وزَهر لْ عنفوان،
بيحطّوك دْخيري
عَ صِدر لبنان.

جِنـزار وصِدي
عَلْ مارونيا

مئاطع من دفاتر
لْ مُوريسيادا
جزء تاني
1991

يسوع إجا عَ مَدينة لْ ئَيافا وِلْ بيلـاطُس عَ ضهر حمار- آدمي-، تَ لْ كِل يشوفوه، يغِطّو زاكرتُن بْ وهج عينَي، يكسرو عَ وجّو لْ يسوعَوي مْلوحِة غَصّـتُن.
يبوردو عَ نسمة طَلّتو حزن عينَيُن. ياخدو عن داير مشلحو بَركي، يدلْئو عَلَي شي من ئِصّتُن.
لْ ئَديمي مع فرّيسانيّة لْ فرّيسييّ، تْكِهنُت لْ كَهني، لْ بيمصّو مَصّتُن
من حياة الناس.
وِلْ حرف لّي بيئتُل.
...
مْطارين لْ مارونيا صارو يجو عَ ضهر لْ حصان. ولمّن بِعدو عن: " أنا هوّي الطريء"، عَ ضهر السلطا، لّي نِزلِتلُن من فَوء، وئَصّتُن
عنَ أوّل هُوشعنا.
سِلطا مْحَصّني بِلْ إيلـاهي- ما بينردّ عليا إلاّ بْ أسلَط مِنا- "سيدّنا بَدّو هَيك" وخِلص لْ حَكي. دَعستُن.

مش من دعسات الناس،
لْ ما عندُن إلاّ يمشو. صارو لِلْ كلسات لْ حِمر.
[... كان سَيّدنا بَس يجي يزور شي ضيعا من ضياع عَئارو لْ أَبرشي، ولـاد لْ مارونيا يئولو، إجا بَيّنا، ئايدنا الروحي لّي بيعطي أمر، 
حَمّيل هْمومنا، ناطور مارونْيتنا. نحن لْ كَرم وهوّي خَمر.
لْ ئِدّاس.
يحومو حْوالَي حَومة لْ بردانين بْ يوم شَبطَوي عَ مَنئل جمر.]

حِبّـنـي
بْصير أَحلـا

كْمالة
طَعمة لْ خِبز وِلْ مَرا

XVIII

سولو: وبَس وِصلو عَ راس الدرج، وفتح لْ باب، عيّط لَ إمّو.
أ: إمّي، إمّي ! تْعَي سْتَئبلي لْ مِنحِبّا !
سولو: إمّ ارزون كانت بِلْ مطبخ. إجت عَلْ لّيوان. وبَس لَمحت مْلَيكي مسحِت إيدَيا مْنِل مْوَي بِلْ وَزرا، هييّ وعَم تئول بْ نَبرا إمّاوييّ:
إم أرزون: نَوّرِت يا بنتي، نوّرت. طمّنيني، شو طلِعتي؟
أ: ئِلتلِّك من شهرين كَ إمّي، نْسيتي.
إم أرزون: مَبروك يا بنتي، مَبروك. خَلّيني إغمرِك. وشِمِّك. ريحتِك بَركي، مْوَيّ مْصلّايي بس تجي لَ عنِّا.
سولو: غَمر، تِبويس، شَمّ، تطليع، يطفطِف فرح، وكتِّر خيرَك يا ربّي. إمّ أرزون تاخُد إيدَين مْليكي تْصير تبوّسلـا صابيعا
إم أرزون: يئبروني صابيعِك
أ: لّي طِلعو لْ أُووَل
إم أرزون: ولّي بيجو يرسمو عِنّا بِلْ ئبو.
أ: لْ ئبو صار "عندا " يا إمّي.
إم أرزون: أللّا بيحبّك يا إبني.

حك ب راس الريشي

صِرت موريس عوّاد (لْ ما في مِنّو إلاّ نَسخا بْ لبنان)* تَرجموك لَ تْلـات لِغّات بْ أُوروبّا، نْكتَب عَنّك بْ أكتر من كتاب، ودراسات أكّادِيمييّ، شي مَعك شي ضِدّك، نْعمل عنّك أطاريح بالجامعا، عينَين لْ حِسّاد والنِكّاد بَعدُن عَم يغَرمشوك، إنجيلَك لْ لّبناني وئِدّاس أوّل ئِرباني بَلّشو يطلَعو عَلْ مَدبح... نْكتَب عن حَكي غَرشِكل: ( " متل نَبـي جبران، جِزء ما بينجزِء من الـتُراس لْ بَشري " )... رَشّحوك لَ جايزة نوبِل سنة 2014. وشو بَدّك بعد؟

+ بَدّي لْ حِرييّ لَ لبنان بْ لبنانيّتو، مش جِزء ما بينجزِء من كِل، غِرئان بْ أجزائو وجِزئيّاتو. لبنان لْ ئانون لْ مَدَني لّي بيساوي كل لْ لّبنانييّ ئِدّام لْ ئانون، مش مْكب إتنِيّات عايشين عَ فضلـات لْ غَرب... يا هموم لْ بَعد بكرا - وِلْ أجمل - سْكنوني، وما تخلّوني إرتاح حتّا بَعد لْ مَوت.

خِلْط بِــلْط
جِزء أوِّل

Melanges
Fragments de journal

و ين ساكِن؟
بْ إِسمي
شو إِسمَك؟
موريس كْفَرغِربي
وشو بَعدَك عَم تعمل بْهَل إيّام؟
يلّي بلّشتو بْ خمسينات لْ ألف التاني
لْ كَبَر ؟
وِلْ لِغّا لْ لّبنانييّ.

سـاعتَـين
مَع سـعيد عَئـل
عن دفاتر 1973

لْ لِّغا جايي مْنِل لّوغُس.
لْ لِّغا مَظهر لْ فِكر. إزا تخرّبِت لْ لِّغا ، ئُول لْ عئل وِلْ وطن تخرّبو. صار بَنّا مِصلح كبير يصلّح لْ عئل وِلْ وطن.

لْ لّيلي بَنّا نحكي عن تْنَين: لْ حرف وِلْ لِّغا.
لْ لِّغا ما إلـا عَلـائا بِلْ حَرف، ولا لْ حرف بِلْ لِّغا.
" هودي ما بيعرفُن لْ بِستاني " ، عَلّئِت مَيّ مِرّ.
لْ لِّغا هييّ الجسم، لْ حرف هوّي التياب.
الجسم هوّي نحن، التوب مش نحن.
لْ لِّغا والجسم إجونا من أللّا. إزا كِنّا مِنئامن بْ أللّا، منعرف إنّو أللّا عِمِل الجسم وِلْ لِّغا. لْ حرف نحن عْمِلناه...
تْيابكُن مش عاجبينكُن فيكُن تَعملو غَيرُن. بس إيدي ما فييّ كِبّا وأعمِل غَيرا.

شو ئـالولَـك؟
عن "طعمة لْ خبِز وِلْ مَرا "
جزء تاني

كل عِمرُن لْ بنات يحبلو ويخلّفو.
وئَلّي كمان
مين؟
يلّي شاف لْ grain de beauté عَ بزّا الشمال وصار يبوّسا.
بتعرف عن بنتي أكتر منّي. ئِلّي كل شي بتعرفو عَنا. هَلّء! دخيلَك هَلّء!
نْشلّا ما تَعرفي.
شو صار؟ دخيلَك! شو صار. نامت مع...
رفيـ...ئِتا. أكتر مَ فيكي تْصدّئي... وخَزَئلـا (بتحط إيدا عَ تِمّو)
دخيلَك! ما تئولـا، مش ئادرا إسمعا.
بَدّو يجي يوم وتصيري تسمعيا كَ أَنّو بنتِك عَم تقلِّك أنا فايتي إتحمَّم"
شو عمِلتي بحالِك يا بنتي؟ يا بنتي، شو عمِلتي بحالِك؟
حاجي تندبي. عِمْلِت يلّي بتعملو كل مَرا بس تصير pubère
شو عملتي فينا يا بنتي؟

فْتافيت حـبّ
Fragments de journal

بِل لِّغا لّبنانيـيّ
طبعا تاني

جْداديل شَعرِك مَرجوحِة لْ عِينَين، "زهرتِك" زَهرِة أوّل دَهشي، فْخاضِك تلجِة طفولتي! حَلمتَينـِك لْ فْرامبوازيّات أوّل لْ حَبحبـي من عنئود لْ حنان.
عِينَييّ رفوف تطليع، غَطّو عَ تِدويرتَين صِدرِك.
نَئّيتـِك يا حبيبتي متل لمّن كنت صَبـي، إبرُم لْ حِرش أنا وإمّي، تَ نْحوِّش غِمر زَهر، نْئدّمو لَ مَريم إمّ يسوع بْ شهرا لْ مَريمي.
- بحبِّك لِ أَنـّك حِلوي
- بحبَّك لِ أنـّي بحبَّك!
أنا وعَم شَلّحِك تَـنّورة آدار، بْشوفِك شِلح لَوز لـابس كل شي في بَياض، وشِمّ بْ عينَييّ نِفناف بياضِك يا بَياضي!
وسّعيلي فَتحِة حِرجِك، يلّي ضَهّرني من عَتمِة رحمِك! وغِطّينـي بِلْ حب كِلّو هَلّء.
لمّن إمّي جابتني بْ عشرين "شباط" -1934- زانوني بْ ميزان لْ مَصاري، طْلعِت أتئَل نِتفي من بْزازا لْ متلـانين حليب الطفولي. وأخدولي ئياس جسمي، طلِع طُول شَعرا!
إمّي جابتني مْلوَّت خَطييّ من ئَبل مَ إخلَء لَ بعد مَ موت. إمّي التاني نِمتا ونامتني لَ حَدّ لْ خَطييّ.

مَـريَمـين
بهونيك لَيلي
بِل لِّغا لّبنانيـيّ

سْمعتي حالـِك شو ترشئتي وئت لْ Etreinte؟ سْتحيتي حبيبتي! ترشئاتـِك لْ مفشكلين رح يصيرو آخر ئَصيدي بِ Brevaire لْ حب. بتحبّي تسمَعي شي منُن؟
- بعدَك فايء عليُن كلُّن؟
وسمِعت لّي سْتحيتي تئوليُن كمان.
- إنت كمان تَرشئتلّي
 ترشوئـِك أنا. متل كيف؟
- بيسوا ئُولُن عَلْ بارد، وعينييّ بْ عينَيك؟
كلْ سخن وإلو باردو
"يئبرني" ... مش عَم تطلع معَي. ئُولـا إنت.
Orgasmic و spasme سِرِّك، وزهرتـِك شَعرا وشَعرا، مزهريّة لْ إنوسي.
- كيف بدّك يطلع معي هَيك حَكي، وأنا بس سمِعتُن صرت إرجُف.
يئبرني لّي بيطلع معِك
- بيسوا لْ مَرا تعمل وتئول متل الرجّال عَ التخت؟
أيّا مَرا وأيّا رجّال؟ لْ ئَعدي عَ السفرا والنوم عَ سفرة لْ حنان لّي إسما التخت بيكمّلو بعضُن.

موريسيّات
Fragments de journal

من دْفاتِر كْفرغِربي
I

لمّن لّي كان إسما ضَيعتي باعتني بْ ألفَين دولـار، بِعت لْ بَيت لّي زائِئلو حجارو عَ ضهري، ونفّضت غَبرة صبّاطي – لْ برج حَمودي- عَ كِمّ واحد، ونَئلت كل موريس عوّاد عَ كْفَرغِربي... [16 تشرين 2005]

وبَعد خمس سْنين عِشتُن بْهل "كْفّر" ضَلّيت حِسّني كَ أنّي مبارح وصِلت. ما تعرّفت إلاّ عَ [...] عـِدّو معي: عَ طّريء الـنِص زِفت،
بْراميل " السياسي ". وكل مَ إمرُء حَدُّن، ينطّ مْنِل بَرميل بْسين، بيعرف كل مراكز لْ براميل...

وتْعرّفت كمان عَ كَلب إبن بَيت... من وئت لَ وئت بشوفو مارِء عَ الطريء ومعو زَ لمي. لْ كلب ماشي ئِدّام والزلمي لـاحئو... لْ كلب يشمّ لْ هوا، الزلمي يشمّ ريحة لْ بَلدييّ....

لْ كلب مَربوط بالرسَن الزَلمي مَربوط بِلْ كلب. كل مَ لْ كلب يوئَف، الزلمي يعمل متلو. وتْـنَينُن ما يحكو معي. بس كنت شوف لْ كلب عَم يتطلّع فييّ متل لْ بَدّو يئلي شي- عَم فكّر إتعلم لِغة لْ كلـاب، عَلْ ئَليلي لْ كلب ما بيكزُب عَلييّ ولا بيسرئني. ولا بيبيّض وِجّو لْ مْكعبَن عَ ضهري-
بْهونيك شهر ما بزكُر أياّ هوّي. مَرَء كِمّ يوم وما شفتُن. ئِلت بْ فِكري: حَدا منُن صَرلو شي... بَعدين عْرِفت إنّو الزَلمي سخَن وعِدي لْ كلب.
بتخايلُن صارو تْنَينُن يئحّو كل واحد ئَحّتو. ومَرّات يغلبطو بِلْ ئَحّا.

نضاف متل لْ مماسِح
Fragments de journal

ئولَك في حدا خلف هَلْ حيطان؟
بيئولو في.
وخلف هَلْ برادي السْماك، لّي بيلمَعو؟
في ناس نفسيّتُن جنفيص وعروئُن خيطان مَصّيص.
مش سامِع حِس، أُوعا يكون لْ ئصر فاضي. لَيش مّسمكين لْ برادي هَلْ ئَدّ؟
مش أسمك مْنلّي لـاطين خلف منُن.
ئَولَك سامعين لْ ئهر لْ جايي من صوب لْ بيوت لْ واطي؟
ما بيسمعو إلاّ بْ دينيُن
ئولَك إلو وِجّ؟
مين؟
لّي خلف لْ بَرادي!
أيّا هوّي منُن؟
لْ وائِف عَ سجّادي ئفاها أعلـا من جبينو
يمكن
وِجّ إلو جبين بيساع ضربة لْ ئَدر؟
لْ جبين سئف لْ وِجّ...
شو ئَولَك نزّت حجر تَ نشوف إزا بيطل حَدا؟

وِلْ مَريم تلبئلـِك
مَئاطع من كتاب
تْعو تَ نصلّي
مع موريس عوّاد
 
وياخدوني مَريميّاتـِك من " فْرحي يا مريم" لَ أنا رايح يا إمّي. ومْنِل via dolorosa لَ نَطرِة السبت. وعينَييّ ئبل ئَلبي يغنّولِك DUO - متل لْ كنار لْعَم يكرّ لْ كَرّا بَعد لْ كَرّا - بِدون مَ يحضّرو حالُن، وكيف مَ إجو يجو. بيكفي إنُّن طالعين مْنِل ئلب.
غنّيلـِك، لِ أنّك لْ أنئا، وِلْ أنئا أجمل!
لِ أنّك لْ مَرا، وبَعد أوّل خَطييّ، رجْعِتلـا نِعمة لْ إنوسي.
لِ أنّك نجمة الصبح عَ ليل هاك لْ عَدَن، وِلْ حنان لْ ئَديم لّي خلف الزاكرا.
لِ أن الدموع وحدُن ما بيغسّلو جِرح لْ خطييّ. ودمعِة لْ فرح لّي منبكيا بِلْ آخر، عندِك.
لِ أَنّ هَلّء الضهر، ولْ مَسا عَلْ بواب.
بيوجعني إنّو آخر تسريبـي سَرّبا لَ عندِك، إيدييّ، فاضين تَ إدلُء بْ حِضنِك كلّ مبارحاتي، حتّا لّي بِستحي فيُن... أنا رجعِتلِّك يا إمّي، مَريمتي، دهشة طفولتي، نِواّرتي، بوصلِة ئلبي، حَبيبة خَيالي، شرائيط زاكرتي، لمّن ما بيبئالي شي إتزكّرو.
رِجعت: وكِلّني إبنك. عَ كِلِّك إمّي.
حَمّميلي ئلبي من غِربتي بِلْ خطييّ لَ خطيّة لْ غِربي.
وِل إنّك مَريم، وِلْ مريم تلبئلـِك. آمين.

وَيـنُـوّي ؟

عن دفاتر 1991

خِفتي إنّي أُوئَع
مِنّك؟
إى، دَخيلَك!
وْئَعني أنا. بْصَرت
بْ نَومي عَم إمشيلَك
بِلْ حْراش، وصِرت
عَيّطلك ودّيلَك
عينييّ يدلّوك
عَ الدرب، يلـائوك،
وسهسِلّك تَ ترجَع.
شوف بْ ئلبي جْرَيك
عَم يمشولي. وإسمع
الدعسات. وعينَيك
يمسحولي لْ هَمّ.
سَكّرلي لْ مْغارا
ومِدّلّي إيدَيك
يا غِمري، عِبّارا
وئَطعني عَليك
مْنِل مرا لِلْ إمّ.

يا ضيعان تعبـي
من مبارح لَ بعد بكرا

ب ولَو! عاشِء لْ حبر وِلْ ورَء، مَهووس طبع لْ كتُب، مْبشّر بِلْ لِغّا لّبنانييّ. مدمن: " زيحو هَيك يا وَيلي إزا ما لَبنَنت"، وإشيا وإشيا. بِئبَلُن مِنّك. بَس إنّك تتهمني بالسياسي...
في شي مْئدّمي من مْئدماتَك لْ خَمسي وعشرين مش مْدَحوِش فيا سياسي؟ حتّا " طعمة لْ خِبز وِلْ مَرا "
شو بَدّك إنّي أعمِل؟ لمّن من طَولـِة بْعبدا، لَ بَرلمان ساحة النِجمي، ومن طَولـِة- النئار- "لْ حوار" –لَ "طبليّة التشاوِر"، ريحة لْ كفر بالروح لْ لّبنانييّ، والتخازُل، والتناخُخ والتنازُل، وِلْ أنانييّ لْ وارمي، عَ مْئيّحا، عَ مْعَمّلي. ومْنـِل حَسد لْ كِلبان، لِلْ مَئرعا، لِلْ مْسبّات، للشَرشَحا، للزئائييّ، للزِنا مع السلطا، لِلْ كَلبَني عَلْ مال، وِلْ مْكالبـي عَلْ كَراسي كرمال لْ مال. عَم يفوعو منِل جسم السياسي، متل الدود من جتّة كلب مَطموم بْ كَومَة زبالي مْخمّرا، ودائّا بْ صوَر لْ مْرشّحين عَلْ إنتخابات، لّي بَعدُن من إنتخاب لْ ألفَين وخمسي دعايي لِلْ " ألفَين وتسعا "

يا ولـاد الستّين... دولـار
مَسرحييّ من أَربع فْصول

عَن دَفاتر
1991

مايك: بس لّي عندِك ياه، ما لْئيتو عند سِتّات لْ مجتمع الرائي... عَم تطلّعي بالساعا.
ماريشكا: رابسودين بتكون ستَعوئتني. ئِلتلّا بدّي غيب ساعا بس.
مايك: رح إختصر (بيشيل مْلّف من جارور لْ مكتب فيه:) فيلّا عَلْ بَحر. فيلّا بالجبل. 50 ألف متر بيستِلمُن بَيك، شهرييّ خَمس تلـاف دولـار من بَنكو ميديترّانوم وهودي لَ عيون الستّ ماريشكا، وبْ ضهرُن تمن لْ ئَهوي وِلْ خمسين ألف دولـار (بيئدّملـا لْ مْلّف وِلْ ئلم) بس تمضيه بيصيرو مِلكِك. لْ لّيلي بتنامي عِندي. بَدّي دوّئِك لْ حب لْ محرومي مِنّو.
ماريشكا: ئَبل مَ إمضي لْ مْلفّ بَدّي شوف جان.
مايك: نامي لْ لّيلي هَون... (بيمسكا بْ إيدا وبيمشي فيا صوب باب لْ أُوضا)
ماريشكا: بَدي شوف جان...
مايك: بيكون هَلّء مدري بْ أيّا garçonière عَم يخونـِك.
ماريشكا: لْعَم ينام معَ النسوان هوّي السيّد جانوفسكي. جان نضيف.
مايك: صَرلو شهرين تلـاتي عَم يخونـِك مع نسوان ما بيحبُّن، بيطلعلِك تنامي شي مَرّا مع لْ بيحبك (بيمدّ إيدو تَ يفتح لْ باب) يلّا، حاجي مْلبّكي، فوتي (بتمسكلو إيدو ومسكة لْ باب سوا)
ماريشكا: لاء! لاء! ئَلبي بيئلّي إنّو جان رح يرجعلي. بخاف يشمّ ريحتك فييّ.
مايك: يعني، إزا رجع رح تسامحيه؟
ماريشكا: إى.
مايك: بس رح يرجعلِك فَئير.
ماريشكا: منضل نعيش.
مايك: يعني بَعدا عَينِك عَ جان.
ماريشكا: عَيني وئلبي. (بيكونو رجعو صوب لْ مكتب)
مايك: حبّي إلـِك وملـايين الدولـارات ما نسوّكي جان. حَرمتيني من إنّي حبّك. ما تحرميني من إنوستِك لَنّو لَيلي... في مية ألف دولـار.

ئِـدّاس
أَوِّل ئِرباني
عَلْ ألف التالت

وبِلْ لّغا لْ لّبنانييّ
Ebauche

إنت ئِصّـتُن

بكرا، يَ بكرا، نْ خَبّرو،
بتكون ئِصّتهُن إنت.
ولَمّا لْ ئْلـام يحبّرو
رح يكتبو عَنّك إنت.

ولَمّا لْ بَراعِم ينتلو
بيزهّرو، وبيحملو
عْنائيد من حبّك إنت.

يا خَمرِة لّي بْيشربو
منِ نْبيد ئانا، يسكبو
تَ يشربو كاسك إنت.

زهرة حياتُن إنت
حبُّن، طريئُن إنت.
يمشولَك، وما يتعبو!
وِنْ شَرَّئو أو غَرَّبو
بيسرّبو لْ عندك إنت.